HamOdY:.aBn:.AlSaYdIA المدير العام
عدد الرسائل : 216 العمر : 35 تاريخ التسجيل : 14/02/2008
| موضوع: قصيــــدة حـــلــمـــــ........عباس جيجان الأحد مارس 30, 2008 9:17 am | |
| [size=16]هاي قصيدة روعة لعباس جيجان شفتها على قناة العربية
هذه القصيدة بعنوان:....ــــــحـــلـــــــمــ
البارحة شفت الوطن بالطيف اجاني البارحه .. قتله هلا ومية هلا يابو الخيول الجامحه .. مديت اديه تسالمه شفت القلب قبل الجفوف يصافحه .... شلونك قلت ياموطني وظنوني ظلت سارحه .. وانقطع وسطي من الخجل من الخجل وعيوني ظلت شابحه .. قال اطمأن ياولدي كفتنا هي الراجحه .. قلته الْيِرد ياموطني لحضنك الدافي تسامحه !! .. قال اْليِرد وإلْما يِردْ وحتى الْيِفكر بالوطن ذنوبه كلهن طايحه .. بس الْيِخون اُمّيِتهْ ما يستحق نقرا على روحه الفاتحه .. قلته يبه ياموطني عندي حجي بغزر الدموع المالحه .. قال احجي قول شما قلت طبع الوطن مثل الابو واجب عليك تصارحه .. قتله يبه ياموطني ليش انت من دول الدول صاحت عليك الصايحه ؟؟ وليش انت من دون الدول اطفالك الحلوين بالدم سابحه ؟؟ وليش انت من دون الدول بكل بيت عندك نايحه ؟؟ وليش انت من دون الدول ناسك إتْصبّح نازحه ؟؟ وليش انت من دون الدول جيرانه كلها تواقحه ؟؟ وليش انت من دون الدول يا ثور بالعالم قوي تركض عليه تناطحه ؟؟ متْقلي منهو الْخبلك يا بو العقول الراجحه !! .. شفته ضحك .. شفته ابتسم لمن حِجى و جاوب اجابه واضحه .. قال اعتقد يا ولدي .. المشكله مو بالوطن .. المشكله الحجاج هو الذابحه .. يبقى الوطن هو الاصل والناس هي الرايحه .. كفكف دموعك ياولد ادري بغريب الدار شوقه الجارحه .. وادري بغريب الدار كل ما يِعتلي وكل ما صعد وشْما كسب خسران كل ما رابحه ..حتى الطيور إلها وطن تهاجر لجل لمن يهزها الشوق ترجع طافحه .. وحتى النخيل إلها وطن ما تنشتل إلا بأرضنا المالحه .. بس إحنا نبقى لِشْ وقت يا موطني نحلم وطنا نصافحه ؟؟ .. وخلاف الوطن تبقى البشر مثل البهايم دايحه .. والبارحه شفت الوطن بالطيف أجاني البارحه ..
تحياتي الكم
[/size] | |
|
اسعد العبيدي مشرف قسم الانترنيت
عدد الرسائل : 661 العمر : 35 العمل/الترفيه : مهندس المزاج : توب مزاجك : تاريخ التسجيل : 08/03/2008
بطاقة الشخصية التعارف: القدرات النمط الجنس
| موضوع: رد: قصيــــدة حـــلــمـــــ........عباس جيجان الثلاثاء أبريل 01, 2008 11:02 pm | |
| | |
|